హైదరాబాద్: దీపావళి పండుగను పురస్కరించుకుని హైదరాబాద్‌లోని బసవతారకం ఇండో అమెరికన్ క్యాన్సర్ హాస్పిటల్ అండ్ రీసెర్చ్ ఇన్స్టిట్యూట్ (BIACH&RI)లో లక్ష్మీ పూజా కార్యక్రమాన్ని ఘనంగా నిర్వహించారు. ఆసుపత్రి ఛైర్మన్ నందమూరి బాలకృష్ణ స్వయంగా ఈ కార్యక్రమంలో పాల్గొని సంప్రదాయబద్ధంగా లక్ష్మీదేవికి ప్రత్యేక పూజలు, పూజాధికాలు నిర్వహించారు. సంస్థ అన్ని రంగాల్లో మరింత అభివృద్ధి సాధించాలని, నిరంతరం పురోగతి పథంలో ముందుకు సాగాలని ఆకాంక్షిస్తూ అమ్మవారిని ప్రార్థించారు. ఆసుపత్రి అభివృద్ధితో పాటు వైద్య సేవల విస్తరణ, మరింత మంది క్యాన్సర్ బాధితులకు నాణ్యమైన వైద్యం అందించే సామర్థ్యం సంస్థకు కలగాలని ప్రత్యేకంగా పూజలు నిర్వహించారు.
ఈ సందర్భంగా నందమూరి బాలకృష్ణ మాట్లాడుతూ ముందుగా తెలుగు రాష్ట్రాల ప్రజలందరికీ దీపావళి పండుగ శుభాకాంక్షలు తెలియజేశారు. దీపావళి ప్రతి ఒక్కరి జీవితాల్లో కొత్త వెలుగులు నింపాలని, ప్రజలందరూ ఆయురారోగ్యాలతో, సుఖసంతోషాలతో, అష్టైశ్వర్యాలతో వర్ధిల్లాలని ఆకాంక్షించారు. ప్రతి కుటుంబంలో ఆనందం, సంతోషం వెల్లివిరియాలని, ప్రతి ఒక్కరూ ఆరోగ్యంతో పాటు అన్ని రంగాల్లో అభివృద్ధి సాధించాలని కోరుకున్నారు. ప్రజల జీవితాల్లో వెలుగులు నింపే ఈ పర్వదినం అందరికీ మంచి భవిష్యత్తును అందించాలని ఆకాంక్షించారు.
బసవతారకం ఇండో అమెరికన్ క్యాన్సర్ హాస్పిటల్ అండ్ రీసెర్చ్ ఇన్స్టిట్యూట్ మరింత పురోగతి సాధించి, క్యాన్సర్ వ్యాధితో బాధపడుతున్న ఎక్కువ మంది రోగులకు మెరుగైన వైద్య సేవలు అందించాలని అమ్మవారిని ప్రార్థించినట్లు బాలకృష్ణ తెలిపారు. వైద్య రంగంలో సంస్థ మరింత విస్తరించి, ఆధునిక వైద్య సదుపాయాలతో ప్రజలకు సేవలందించే దిశగా ముందుకు సాగాలని ఆకాంక్షించారు. సంస్థకు మరింత శక్తి, సామర్థ్యం, అభివృద్ధి కలగాలని, నిరంతరం ప్రజలకు సేవ చేసే అవకాశం లభించాలని పూజల సందర్భంగా ప్రార్థించినట్లు పేర్కొన్నారు.
ఈ లక్ష్మీ పూజా కార్యక్రమంలో ఆసుపత్రి ఛైర్మన్ నందమూరి బాలకృష్ణతో పాటు సీఓఓ రావి శ్రీనివాసరావు, మెడికల్ డైరెక్టర్ డా. టి. సుబ్రహ్మణ్యేశ్వరరావు, ఫైనాన్స్ జనరల్ మేనేజర్ గోపాలరావు, హెడ్ అండ్ నెక్ విభాగాధిపతి డా. చంద్రశేఖరరావు, రేడియాలజీ విభాగాధిపతి డా. వీరయ్య, అనస్థీషియాలజీ విభాగాధిపతి డా. బసంతకుమార్, వైద్యులు డా. సి.కె. నాయుడు తదితర వైద్యులు, అకౌంట్స్ విభాగానికి చెందిన సిబ్బంది, ఆసుపత్రి ఇతర విభాగాల ఉద్యోగులు పాల్గొన్నారు. భక్తిశ్రద్ధలతో నిర్వహించిన ఈ పూజా కార్యక్రమం పండుగ వాతావరణంలో కొనసాగింది.